Запрашаем наведаць вечар тэматычных культурніцкіх прэзентацый «Кірмаш праектаў» у Гомелі.

Найлепшыя ідэі для гораду збяруць 4 красавіка

У гэты чацвер гамельчукі маюць выдатную магчымасць пазнаёміцца з новымі культурніцкімі ідэямі і іх аўтарамі, падтрымаць самыя вартыя і цікавыя прапановы сваім меркаваннем, парадай, уласным удзелам ці іншым чынам.

Запрашаюцца ўсе неабыякавыя да культурнага аблічча свайго гораду!
Цягам усяго сакавіка ў Гомелі грамадская культурніцкая кампанія “Будзьма беларусамі!” шукала людзей, чые праекты маюць патэнцыял зрабіць свой унікальны ўнёсак у развіццё культурнага жыцця горада, а часам – і Гомельскай вобласці. Праекты сабраліся разнастайныя: ад шматзначнага “арту” (арт-вёска, арт-хаус, арт-база) да публічнай прасторы для творчасці гараджан і гісторыка-культурнай спадчыны Гомеля.

У праграме сустрэчы:

· 10 аўтарскіх прэзентацый у фармаце “маланкавай размовы” (lightning talk),
· Абмеркаванне прадстаўленых праектаў у асяродку зацікаўленых адмыслоўцаў.

“Кірмаш праектаў” адбудзецца 4 красавіка ў Канферэнц-зале Цэнтральнай гарадской бібліятэкі па адрасе: вул. Савецкая, 26. Пачатак у 17:00.
Уваход ВОЛЬНЫ (таму запрашайце і вашых сяброў).

Падобныя ініцыятывы культурніцкая кампанія “Будзьма беларусамі!” ладзіць па ўсёй Беларусі з мэтай усталявання і ўзмацнення прафесійных сувязей у культурніцкіх супольнасцях, павышэнні якасці сацыякультурных праектаў, уключанасці грамадзян у культурнае жыццё сваёй тэрыторыі.